Тропарь
Ангельски на земли поживши и со ангельскими чинми на Небеси ныне светло ликующе, в земли Сибирстей просиявше, песнью почтитаем:
Радуйся, Христа ради юродивый Космо, в Сибири подвизавшийся и Богу угодивший.

Кондак 1
Избранному от рождения Христа ради юродивому, Верхотурской земли светильнику Косме составим похвалу, яко в вере своей целомудрие сохранивый, терпением юродство стяжавый, братолюбие и любовь явивый, смирением Господу угодивый. Ты же яко имущий дерзновение к прославившей тя Святей Троице, молитвами своима от всяких зол и напастей охраняй с верою и любовию зовущих ти:
Радуйся, угодниче Божий святый блаженный Космо.

Икос 1
Архангели и Ангели с любовию зряху на равноангельское житие твое, Космо пречудне, ты бо пекийся о Господних, како угодити Господеви, сохранил еси девство неврежденно, постом и молитвою умерщвляя плоть свою день и нощь. Мы же таковому житию твоему дивящеся, со умилением взываем ти сице:
Радуйся, воздержания образе.
Радуйся, добротолюбия ревнителю.
Радуйся, безстрастия проявителю.
Радуйся, совершенный нестяжателю.
Радуйся, чистотою душевною и телесною благолепно приукрашенный.
Радуйся, святаго ради жития Богом зело возлюбленный.
Радуйся, хромоту и юродство от рождения по преблагому промыслу получивый.
Радуйся, любящих и чтущих тя присное радование.
Радуйся, угодниче Божий святый блаженный Космо.

Кондак 2
Видя юродство подвижника благочестия блаженнаго Иоанна, с него взял еси пример юродства Христа ради, убо едино же есть на потребу. Царь небесный всевидящим оком узре таковое твое богоугодное начинание и душеспасительное намерение, преисполни тя Своея великия помощи на подъятие тяжкаго подвига самоотвержения и юродства. Мы же дивящеся подвигу твоему, блаженне Космо, прославльшему тя Господеви поим: Аллилуиа.

Икос 2
Разум просвещен от Бога имый, от юности подвиг юродства стяжевая, сердце к небесней чистоте устремил еси, блаженный Космо, сего ради вопием ти;
Радуйся, святаго Иоанна, Христа ради юродиваго истинный подражателю.
Радуйся, иго Христово радостною душею на ся восприявый.
Радуйся, родителей твоих похвало и украшение.
Радуйся, труды их молитвою выну услаждавый.
Радуйся, яко явился еси благочестивой старушке, на средства оной и соделан тебе дом молитвы во имя святых бессребренников Космы и Домиана,
Радуйся, яко пастырь Божий праведный Иоанн Кронштадскии жертвовал тебе на храм во имя святых бессребреников.
Радуйся, яко родничок на могилке твоей благочестивый народ прозвал — слезы Космы юродиваго.
Радуйся, юродствовавый пред человеки, да ликовствуеши со ангелы.
Радуйся, угодниче Божий святый блаженный Космо.

Кондак 3
Силою Духа Святаго сердце свое согревая, блаженный Космо, следовал еси за торжественным шествием честных мощей угодника Божия праведнаго Симеона от села Меркушинска до града Верхотурска, не уставая вопия, — брате Симеоне, давай отдохнем. Да и мы, взирая на путь юродиваго, поем Христу Богу: Аллилуиа.

Икос 3
Имеяй силу юродства Христа ради, скоро руку помощи своея простре ти Господь, блаженне Космо, зане с верою к Тому притекл еси, на Него единаго все упование свое возложив, темже мы, видяще веру твою и дивное ея оправдание, умиленно вопием ти:
Радуйся, убо единому Богу поработати возлежавый.
Радуйся, убо от суеты мира убегавый.
Радуйся, яко с мощами Симеона праведного в шестидесять верст пропозл еси путь.
Радуйся яко к угоднику глаголал еси, — брате Симеоне, давай отдохнем.
Радуйся, яко раца с мощами праведнаго по глаголу твоему вставала еси.
Радуйся, яко будучи хромым и юродивым воздал еси честь праведному Симеону.
Радуйся, освятивый стопами твоима тропы от села Меркушинска до града Верхотурска.
Радуйся, яко Царь неба и земли Христос принял тя в небесное царствие.
Радуйся, угодниче Божий святый блаженный Космо.

Кондак 4
Бури многих бед и соблазнов житейских в мире сем бегая, на скальный берег рецы Туры тайно от дома отеческаго на подвиг бденный, молитвы ради глубокой ночию уходил, и жесткому пути спасения юродству Христа ради, умыслил еси подражати поя Богу: Аллилуиа.

Икос 4
Врагу, присно на подвижники ополчающуся, жестоким житием противустал еси, блаженне Космо, плоть духови твоему поработив воздержанием. Темже мы, подвигом твоим чудящеся, зовем ти:
Радуйся, на берегу рецы Туры, на каменном утесе, за крепостной стеной место для ночной молитвы обретший.
Радуйся, христианских добродетелей, под личиною безумия, подвижниче.
Радуйся, юродством своим молитвенное делание прикрывал еси.
Радуйся, подражавый Божественному Спасителю.
Радуйся, кроткий Христов последователю.
Радуйся, ночными бдениями Богу угодивый.
Радуйся, подвиги свои благочестия скрывавый.
Радуйся, чистоты вместилище.
Радуйся, угодниче Божий святый блаженный Космо.

Кондак 5
Боготечней звезде подобен был еси, блаженне Космо: подымаясь ночами к храму Святей Троицы, восходил еси благодатию Божиею от силы в силу, и безумствуя пред человеки, божественныя премудрости исполнен был еси от Бога, непрестанно воспевая Тому единому: Аллилуиа.

Икос 5
Видя яко в мире сем, во зле лежащем, несть житейския сладости печали непричастны, многоскорбное житие от юности восприял еси, блаженне Космо, мы же грешнии, ублажающе терпение твое, зовем ти таковая:
Радуйся, убо у собора Святыя Троицы подвиг бденный исполнял еси.
Радуйся, яко блажен муж.
Радуйся, яко не был в чести.
Радуйся, на высоту безстрастия восшедый.
Радуйся, во глубину смирения приникий.
Радуйся, смиренномудрый.
Радуйся, нищий духом.
Радуйся, убивый грехи своя яко Илия лжепророков.
Радуйся, угодниче Божий святый блаженный Космо.

Кондак 6
Проповедует подвиги твоя, блаженне Космо, земля Верхотурска, многотрудному житию твоему чудящеся. Воздвиже бо на тя брань лютую враг спасения нашего, ты же постом и молитвою таковуя соодолел еси, благодарственне воспев Богу: Аллилуиа.

Икос 6
Возсия яко свет неугасимый, во граде Верхотурстем, блаженне Космо: безумствуя бо присно пред человеки, ты уразумел еси глубину божественныя премудрости, яко не мудрых мира сего, но буих о Христе избра Бог в жилище благодати своея. Еяже обильно преисполнен сый, прими от нас сицевая:
Радуйся, словеса апостола Павла: мы убо буи Христа ради, делы твоими известивый.
Радуйся, надеждою Царствия Божия злострадания земная в сладость себе претворивый.
Радуйся, узкими враты и тесным путем все житие шествовавый.
Радуйся, на небеси и на земли прославленный.
Радуйся, удостоенный стояти у престола Господа сил в едином лице со блаженными Святой Руси.
Радуйся, яко подвиги твоими укрепляеши люди православныя в терпении и нестяжании.
Радуйся, терпеливый в скорбех.
Радуйся, лампадо, елей милости Божия изливающая.
Радуйся, угодниче Божий свитый блаженный Космо.

Кондак 7
Хотя от взора человеча святое житие и дивныя подвиги твоя сокрыти, блаженне Космо, юродствовал еси пред человеки по вся дни, в нощи же пребывая в непрестанной молитве, из глубины души взывая о всем Богу: Аллилуиа.

Икос 7
Дивный о нас молитвенниче, заповеди Господни сохранивый и в велиих добродетелех преуспевый ты, блаженне Космо, был еси еще во плоти подражатель сил безплотных жития своего чистотою и святостию. Темже и мы со благоговением приносим ти благохваления таковая:
Радуйся, человеков удивление.
Радуйся, ангелов радование.
Радуйся, собеседниче сил безплотных.
Радуйся, ангелонравный человече.
Радуйся, блаженнаго Иоанна Верхотурска единонравниче.
Радуйся, с праведным Симеоном собеседниче.
Радуйся, яко с теми небожителями Христу ныне молишися, да низложится сила Диавола.
Радуйся, от горних высот к просящим твоего заступления милостивно приникаяй.
Радуйся, угодниче Божий святый блаженный Космо.

Кондак 8
Странное и чудное житие твое, Космо всехвальный, видяще устранимся и мы суетнаго мира, пребывая у престола Божия сподоби и нас неустанно пети Господу Богу: Аллилуиа.

Икос 8
Все житие наше на земли печали и скорби полно есть, искушения же и падения предложат нам претерпети, но ты помози нам, блаженне Космо, да благодарственне зовем ти:
Радуйся, вторивый Иову: я ничтожен еси.
Радуйся, краткий нравом.
Радуйся, благий сердцем.
Радуйся, себе отвергийся.
Радуйся, все упование твое на Господа возложивый.
Радуйся, крест свой взявый и последовавый вслед Христа.
Радуйся, потерявши душу свою Христа.
Радуйся, во уповании твоем непосрамленный.
Радуйся, угодниче Божий святый блаженный Космо.

Кондак 9
Всею душею прилепивыйся Богови, и всякаго греха бегал еси аки яда смертаносна, угодниче Христов Космо, и сего ради сподобился еси Царствия Христова, да испросиши нам у престола Божия оставление грехов наших тяжких, да скончаем мы в покаянии и добром исправлении временное житие сие наше, да сподобимся молитвами твоима неискончаемо пети Господу Богу нашему: Аллилуиа.

Икос 9
Витии человечестии не могут постигнути глубину премудрости Божией, яко не премудрых мира сего, но буих о Христе, избирает Бог в обители небесныя, мы же добродетели твоя воспевающе, блаженне Космо, в похвалу тебе сия вопием:
Радуйся, божественных даров носителю.
Радуйся, верный рабе Божественнаго Домовладыки.
Радуйся, от наваждения духов злобы спасаяй.
Радуйся, слепым зрение молитвою твоею вовращаяй.
Радуйся, хромым припадающим к раце твоея, хождение даруяй.
Радуйся, яко болящим и тебе молящимся благодатию Святого Духа исцеления источаеши и здравие даруеши.
Радуйся, яко соль еси и мы пред рацею твоею в молитвах осолеваемся.
Радуйся, всех притекающих к тебе утешение пресладкое.
Радуйся, угодниче Божий святый блаженный Космо.

Кондак 10
Хотя спасти душу, блаженне Космо, не восхотел еси работати Богу и маммоне, но единому Богу точию темже ныне яко верный раб владыце своему предстоиши на небесех, поя Ему хвалебную песнь: Аллилуиа.

Икос 10
Царя небеснаго и Бога нашего верный рабе и угодниче, блаженный Космо, стена еси непоколебима и прибежище необратимое всем притекающим к тебе с чистым сердцем. Покажи на нас молитв твоих благодатное действо, не лиши нас небеснаго твоего заступления в жизни нашей земной, в час кончины нашея и по кончине нашей да зовем ти всехвалебно:
Радуйся, яко зову Духа Святого повинувыйся.
Радуйся, яко тебе юродивому страдальцку венец от Господа дарован еси.
Радуйся, плачущим утешение.
Радуйся, Святыя Церкви благолепное украшение.
Радуйся, выйти на Божию тропу нам помогающий.
Радуйся, на труд духовный нас воздвигающий.
Радуйся, от сетей вражиих нас избавляющий.
Радуйся, яко странник и пришлец быв на земли.
Радуйся, угодниче Божий святый блаженный Космо.

Кондак 11
Пение благодарственное единосущней Троице от всея души возсылал еси, блаженне Космо, да и мы многогрешные, спасающиеся твоими молитвами от бед и скорбей, и всяких напастей, прославим Бога, дивнаго во святых своих, благодарне поюще ему: Аллилуиа.

Икос 11
Светел ты был еси яко Ангел Божий в явлениих твоих к человецем и освятил еси мрак жития люди грешныя, мы же зряше таковая славим прославльшагося в тебе Господа, вопием ти сице:
Радуйся, яко с райских равнин сшел еси до падших на земли, абие здравы душами бысть.
Радуйся, яко миро с икон твоих источаеши.
Радуйся, яко раца мощей твоих честных источник исцелений недугующих.
Радуйся, яко вси приходищии к ней с верою, благодатию освящени бывают.
Радуйся, почитающим священную память твою вечных благ ходатаю.
Радуйся, от бед, скорбей и смертоносных недугов скорое избавление.
Радуйся, земли Русския духовное украшение.
Радуйся, града Верхотурска благонадежное утверждение.
Радуйся, угодниче Божий святый блаженный Космо.

Кондак 12
Благодать данную ти от Бога ведяще благоговейно поклоняемся святым мощем твоим, лобызаем святолепное изображение лика твоего угодниче Божий Космо, и молимтися, не остави нас твоим молитвенным представительством ко Христу Иисусу Богу нашему, Ему же благодарне поем: Аллилуиа.

Икос 12
Юродство твое, Христа распятаго ради, поем и славим, блаженне Космо, и молимтися, буди нам во всем ко благу скорый помощниче, умоли Господа сил, да сохраним веру нашу православную до скончания века, с любовию возглашающе ти сице:
Радуйся, яко одежды греховныя совлеклся еси.
Радуйся, яко в ризу чистоты и непорочности облеклся еси.
Радуйся, молитвенниче наш усердный.
Радуйся, помощниче наш скорый.
Радуйся, Пресвятыя Троицы благодатию освященный.
Радуйся, Пресвятыя Богородицы покровом осененный.
Радуйся, Матери Божией избранный слуго.
Радуйся, во благоухании святости своея в храме Покрова Пресвятыя Богородицы во граде Верхотурстем телом своим почиваяй.
Радуйся, угодниче Божий святый блаженный Космо.

Кондак 13
О предивный и пречудный светильниче наш, блаженный юродивый Христа ради Космо, призри на нас немощных, во многия согрешения по вся дни впадающих и благоприятным твоим ходатайством избави нас от всякаго искушения противнаго и страх Божий всели в сердца наша, да в добродетели и во смирении поживше в веце сем, блаженныя оныя жизни сподобимся и со всеми в радости нескончаемей воспоем: Аллилуиа.
Сей Кондак читается трижды. Также: Икос первый и Кондак первый.

Молитва
О святый блаженный Космо, молитва твоя несумненно многомощна у престола Божия, сего ради прибегаем к тебе, помощнику и заступнику нашему. Молим тя, молись о нас Господу Богу: да избавит народ православный от всяких бед, зол и напастей; да сохранит землю Русскую от поганых; да восставит и утвердит на Руси Святой преемство православных царей; да поможет нам твоими святыми молитвами искоренити из сердец наших богопротивную гордость и самомнение; да исцелит души наша от греха: пьянства, праздности, празднословия, уныния, лености, прекословия, непослушания, оклеветания, осуждения, убиения, небрежения, тщеславия, самолюбия, многостяжания, прелюбодеяния, хищения, лихоимства, неправдоглаголания, зависти, гнева, памятозлобия, ненависти, лести и лицемерия.
Научи нас верить в Бога целомудренно, смиренно, кротко, терпеливо с любовию к Господу и ближнему своему, да зрети грехи своя. Молим тя, Космо юродивый, моли Спасителя нашего Христа распятаго за ны, да угасит Он горящую пещь огненных страстей наших, да сотрет Господь Бог страшное рукописание грех наших безмерных. Ты бо прославился еси горением твоим ко Господу, в горняя устремляя свое сердце. Темже молим тя: исцели наша недуги телесныя и душевныя своея пламенной молитвой. Ей, праведниче Божий, не посрами упования нашего еже на тя смиренно возлагаем. Да здрави воспоем и восхвалим прославльшаго тя Господа Пресвятую Троицу Отца и Сына и Святаго Духа ныне и присно и во веки веков. Аминь.